ИДОМАИ СУҲБАТУ ВОХӮРИҲО ДАР ҲОШИЯИ СОЛИ МАЪРИФАТИ ҲУҚУҚӢ

Бо мақсади баланд бардоштани маърифати ҳуқуқии шаҳрвандон, таъмини волоияти қонун ва дастрасии адолат бо кормандони соҳаҳои гуногуни ноҳиявӣ дар доираи эълон гардидани соли 2024 ҳамчун «Соли маърифати ҳуқуқӣ» аз 12 апрели соли 2024, баррасии Паёми Пешвои миллат ва мулоқоти Пешвои муаззами миллат бо фаъолону намояндагони ҷомеа ва ходимони дини кишвар дар ҳамаи ҷамоатҳои шаҳраку деҳоти ноҳия вохӯриҳои судманд доир гашта истодааст. Дар ин радиф дар таърихи 30 апрели соли ҷорӣ дар муассисаи таҳсилоти миёнаи умумии рақами 31-и ҷамоати деҳоти Обшорон бо аҳли фаъолон ва сокинони ҷамоати мазкур вохӯрии судманд анҷом дода шуд. Дар вохӯрии мазкур муовини раиси ноҳияи Ёвон Абдуллозода Саёхат, намояндаи Суди ноҳия Садирзода Рустам, намояндаи бахши ноҳиявии КДАМ Кенҷаев Ҷовидон, намояндаи ШВКД дар ноҳия Ҳусейнзода Илҳом ва намояндагони шуъбаҳои занон ва оила, ҷавонон, Кумитаи иҷроияи ҲХДТ дар ноҳия, ва дигарон иштирок намуданд.
Нахуст раиси ҷамоати деҳоти Обшорон Шарипова Хайриниссо маҷлисро оғоз бахшида меҳмононро ба аҳли толор муаррифи намуданд. Сипас намояндаи Суди ноҳия Садирзода Рустам суханрони намуда, иброз доштанд, ки моро зарур аст дар байни аҳоли корҳои фаҳмондадиҳиро бештар намуда, маърифати ҳуқуқии шаҳрвандонро баланд бардорем. Ҳамзамон намояндаи бахши ноҳиявии КДАМ Кенҷаев Ҷовидон андешарони намуда, таъкид доштанд, ки ҳар як фарди худогоҳи кишвар имрӯз бояд дарк намояд, ки амният, ороми ва сулҳу суботи ватани азизамон бо заҳматҳои шабонарузии Пешвои миллат муҳтарам Эмомалӣ Раҳмон ба даст омадааст ва мо онро бояд чун гавҳараки чашм ҳимоя намоем ва нагузорем, ки ягон бадхоҳи миллати мо аз берун истода ба оромии мо халал ворид намояд. Муовини раиси ноҳияи Ёвон Абдуллозода Саёхат ба сухан баромада сараввал вобаста ба даъвати ҷавонон ба сафи Қувваҳои Мусаллаҳи Ҷумҳурии Тоҷикистон иброз доштанд, ки хизмат дар сафи Артиши миллӣ барои ҳар як ҷавони худогоҳи тоҷик ҳам қарз ҳам шарафи бузург аст. Ҳамзамон дар самти пешгирии ҷавонон аз шомилшавӣ ба ҳаргуна ҳизбу ҳаракатҳои ифротгароӣ андешарони намуда, баён доштанд, имрӯз бояд ҷавони тоҷик зиракии сиёсиро аз даст надода фирефтаи ҳаргуна гурӯҳҳои ифротӣ нашаванд ва дар пешрафт ва гулгулшукуфоии ватани азизамон камари ҳиммат банданд. Инчунин қайд карда шуд, ки саркаши намудан аз хизмат дар сафи Артиши миллӣ ин ҳам аз сатҳи пасти маърифати ҳуқуқии бархе аз ҷавонон шаҳодат медиҳад. Вобаста ба ҷори шудани фарҳанги миллии бегона дар байни аҳоли таъкид доштанд, ки мо бояд тарғибгари фарҳанги миллии хеш бошем. Дар фарҷоми вохӯри аз ҷониби аҳли толор ба меҳмонон саволу дархостҳо пешниҳод гардида ҷавобҳои мушаххас гирифта шуд.