КОНСТИТУТСИЯИ – КАФИЛИ ЗИНДАГИИ ОСОИШТА

Бо мақсади амали намудани ҷадвали баргузории мулоқоту вохӯриҳо ва конференсияҳо дар доираи эълон гардидани соли 2024 “Соли маърифати ҳуқуқи” бахшида ба 30-солагии қабули Конститутсияи Ҷумҳурии Тоҷикистон санаи 22 октябри соли равон дар муассисаи давлатии ЛКТ ноҳияи Ёвон конференсияи илмӣ – назариявӣ таҳти унвони “Конститутсия – кафили зиндагии осоишта” бо иштироки муовини раиси ноҳияи Ёвон Абдуллозода Саёҳат, вакили Маҷлиси намояндагони Маҷлиси Олии Ҷумҳурии Тоҷикистон Азимзода Толибхон ва раиси суди ноҳияи Ёвон Абдуллозода Ҷамолиддин баргузор карда шуд.

Инчунин дар конференсияи мазкур омӯзгорон ва донишҷӯён иштирок намуданд.

Сараввал меҳмонон аз маркази ҳунаромӯзии муассисаи мазкур дидан намуданд.

Дар конференсияи мазкур Абдуллозода Саёҳат-муовини раиси ноҳия, Азимзода Толибхон- вакили МНМО Ҷумҳурии Тоҷикистон ва Абдуллозода Ҷамолиддин – раиси суди ноҳия суханронӣ намуда, иброз доштанд, ки Конститутсияи Тоҷикистони соҳибистиқлол, ки заминаи эъмори давлати мустақили миллӣ ва пешравии тамоми ҷанбаҳои ҳаёти мардуми кишварро фароҳам овардааст, яке аз дастовардҳои муҳимтарини мо мебошад

Амалӣ намудани меъёрҳои Конститутсия ба мо имкон дод, ки пояҳои устувори ҷомеа ва давлатро созмон диҳем, сулҳу оромӣ, суботи сиёсӣ ва ваҳдати миллиро таҳким бахшем, рушди устувори иқтисодии кишварамонро таъмин намоем, барои ҳар як шаҳрванди мамлакат шароити зиндагии арзанда ва инкишофи озодонаро муҳайё созем.